Berre velstand

Med elektrisk bestemor-stol, the Simpson på data og gode julekaker, har simon det utmerka. Kan ikkje ha det betre...

- Posted using BlogPress from my iPhone

Mange og gode kaker

Julegjesteboda før i tida var stas og mange kjekke opplevingar, særleg for oss ungane.

Vi vart møtt med glade vaksne som spelte spel med oss og la alt det kvardagslege til side. Og matvarer det alltid nok av.

Det same opplever eg heime hos ho mor. Gode kaker og nok mat av alle slag. Det er nesten so det blir for mykje av det gode...

Location:Sjøgata,Nordfjordeid,Norge

Å sige saman

Endeleg kan eg også konsentrere meg litt om jula.

Etter arbeid i dag, hadde eg meg ei lenger handlerunde. Godt å få gjort unna butikk-travinga før julaftan.

Småting som lys, serviettar, englar som må erstattast frå i fjor, blomster og dukar er viktige ingrediensar når huset skal pyntast til fest.

Men kor vart det av energien??? Den dukkar forhåpentlegvis oppatt etter ein liten høneblund...

Endå eit julehus

I dag har Simon laga sitt eige pepparkakehus.

Han har bede om hjelp til å sette det saman i ei vekes tid. I dag fann vi igjen litt av tida. Sjølve huset er ferdiglaga frå butikk, men stallen er "heimelaga".

Og den ser ganske så falleferdig ut.

Men det gjorde den vel på den tida då Jesus vart fødd også....

Pepperkakehus

Takka vere Marte sin iver etter å "bake" (sette saman) pepperkakehus, blir det gjort før vesle julaftan i år.

Det fyrste gjekk i golvet og knuste. Dermed måtte vi på butikken og handle nytt. Eg kjøpte to for sikkerhets skuld.

Og når Marte står for innkjøpet blir det nok julenissar, seigmenn og nonstop.

Spørst om freistinga til å smake blir for stor fire veker før jul....

Travelt i desember

Fyrste dag av desember er over, ein dag fylt av mange gjeremål.

Eg er glad kvar dag ikkje er like hektisk, men også glad for å vere frisk nok til å gjennomføre alt.

Etter ein lang dag på jobb, var det speletime for Simon, visning på hus, medlemsmøte i fagforeninga, henting og bringing av Marte etter jobb (hadde handla halve butikken...) avslutning i Deciding og innkjøp av mat.

Og medan speilegga steikte i panna, fekk eg sett på ei vaskemaskin, rydda på kjøkkenet, lagt saman reintøyet, snakka med Frode i telefonen, kika litt på nyheitene og planla omøblering av tv-stova.

Og eg fekk hengt opp adventskalendaren. Den er ikkje heilt ferdig enno, men blir det nok om nokre dagar.

God advent!

Luktar reint

I dag har eg vaska vindauge til den store gullmedalje.

No er julegardinene komne på plass og julestjerna og adventsstaken klar til bruk. Rart i grunn, det verkar som heile huset er vaska fordi glasa er reine....

Men det blir spennande å sjå resultatet når det lysnar i morgon. Eller kanskje vi ikkje merkar eventuelle striper før sola kjem tilbake...

Engasjert dame

Anne Karin er eit engasjert menneske.

Ein kveld før jul inviterer ho naboar og vener til bakekveld på skulekjøkkenet på Halbrend.

I går laga ho, som fleire av oss andre både natronkaker, sveler og lefse. Men i år forbarma ho seg til og med over halvparten av lefsedeigen til Anne og Anne Oline.

Til neste år er målet å få smake og drikke kaffi med oss andre seks damene.

Smak av jul

Mandarinane heng tett på trea langs gatene i Malaga, Spania. Julefrukta framfor noko, for meg.

Men vi prøvde oss på ei som vi knabba frå bakken. Den smakte både surt og beiskt. Kanskje det ikkje var mandarin likevel?

Då er det godt at vi får tak i dei på butikkane her heime. For no går det med nokre kilo mandarin kvar veke fram mot jul.

Tre i ein

Sommar, jul og bursdagsfeiring i november. Simon sin 13-årsdag starta med frukost på senga, så tennis, soling og shopping på marknaden i Furengiola. Der var det julesangar over høgtalaranlegget - litt rart med shorts og sandalar.

Bil-utleige

Artig start på ferien. Alle tre nordmennene som stod i kø for bilutleige, mangla bevis på betalt leige. Men heldigvis hadde vi god tid, for ein sint engelskmann kom og leverte bilen på feil plass og det vart høglydt diskusjon. Vi fekk bil alle tre til slutt, sjølv om det tok oss litt lenger tid enn vi tenkte.

Varmare strok

Laurdag morgon reiser tre av oss i familien til Malaga i Spania.

Ei veke med litt sol og varme vil forhåpentlegvis gje litt energi i kalde vinterkroppar.

Ifølge yr.no ser i alle fall utsiktene gode ut. 22-23 grader om dagen er ikkje å forakte. Særleg ikkje no når finveret her heime ser ut til å snu. Kanskje blir det ein dukkert i havet også.

I tillegg skal vi feire tenåringen i huset tysdag 17.november på Andalucia-kysten.

NRK utrykking

Massey Ferguson?

Her om dagen stod denne doningen på parkeringsplassen utanfor NRK Sogn og Fjordane.

Litt artig sidan vi nett har fått ny-oppmerka parkeringsplass.

Håpar det ikkje er denne vi må bruke i ein akuttsituasjon ved utrykking neste gong...

Vestlandet = himmelen

Den amerikanske legenda Barry McGuire heldt konsert med band i Førde kyrkje måndag kveld.

Ekte og ærleg formidling, både musikalsk og i tale. Ja, dei var så begeistra for Norge og Vestlandet at han meinte at himmelen ikkje var store forskjellen for oss.

Det er Leon Bø, opphaveleg frå Vågsøy som er initiativtakar til konsertturneen. Målet er å hjelpe narkomane og heimlause med utgangspunkt i El Paso i Texas. "Vi har noko å dele" er mottoet deira. Og det gjeld vel så mykje for oss som har i overflod.

Berre rundt 25 tilhøyrarar fekk med seg den flotte konserten. Vi burde vore det tidoble!

Men 2,5 timar for ein aldrande kropp i harde kyrkjebenkar vart vel lenge...

Livet må gå vidare

Jammen vart det straffekonkurranse i cupfinalen.

Spenninga var å ta og føle på heilt til siste spark. Steminga er laber!

Men Simon har vore litt til og frå. Han dukka opp etter Ålesund-jubelen og seier; Ikkje ver så skuffa pappa. Du villle vore endå meir skuffa om du hadde vore der, og brukt 6000 kroner på kampen.

Simon, evig optimist. Noko har faren lært han....

Spenning i heimen

Det er mykje som skal fordøyast i løpet av ein søndag føremiddag.

Minst fire stk papir-aviser, ein pc, blogging, Facebook, Twitter og cupfinalen på TV. No er det berre radioen som manglar...

Men to gongar 45 var ikkje nok for å avgjere kampen. Ekstraomgangar og kanskje straffekonk.... Det hadde vore noko i dag.

Men ikkje for Frode sin del, trur eg.

God middagslur

Truls, katten vår....

har sin faste plass i korga i trappeoppgangen om natta. Men om dagen vil han helst vere der vi andre i huset er.

I dag har han funne ein ny plass, mellom putene i sofaen på det nye lilla ullpleddet.

Han har med andre ord funne seg godt til rette her i huset og er ein ekte kose-katt.

Skråblikk på finalen

Interessa frå mi side er sånn passe....

Molde mot Ålesund i cupfinalen er spennande lokaloppgjer på Ullevaal. Men med ein entusiastisk supporter i godstolen er det umulig å ikkje få med seg deler av kampen.

Molde leiar plutseleg 1-0 og då er ikkje romsdalingen og Ålesund-trenar, Rekdal mykje blid. Men no har eg vel sjeldan eller aldri sett han smile i andre samanhengar heller....

Bake-knep

Fridag for mor i huset = ferske rundstykker! Og så gir det ei ekstra god stemning i huset. (Særleg etter at huset er vaska og reint.)

Etter å ha brukt tørrgjær i all mi tid, har eg no gått over til fersk gjær. Resultatet er store, luftige, fine og deilige rundstykker som berre må smakast på med ein gong dei kjem ut av omnen.

Eit lite ekstra-knep er å ha i ei teskjei ekstra med bakepulver. Det fungerer!

Overraska mor

Onsdag denne veka fekk eg meg ei stor overrasking. Marte kom innom jobb for å hente noko i bilen.

Ein halvtime etterpå sende ho tekstmelding og bad meg sjå meg bak, ut vindauge. Der sat HO bak rattet... Fyrste tanken min var - er du gaaal, før eg forstod. Ho hadde køyrt opp og fått "lappen".

Kollegaene mine som var vitne til "oppstyret", kommenterte tørt: slik er det å få store ungar.

Kort-inspirasjon

Denne veka kom ein pakke i posten, til Frode, med julemotiv. (Han har meldt seg inn i Creative Club. Var meininga han skulle melde seg ut etter fyrste forsendelse)

Kjekt det! Då kan eg starte den kreative prosessen før eg tek til med å klippe og lime og lage julekort og dekorasjonar av ulikt slag.

Ein venninnegjeng står snart på trappene og er klare til å lage kort. Då blir det mandarin, gløgg og stearinlys. Eg gler meg alt!

Som eit eventyr

I to veker har Marte og ni klassevenninner opplevd ørken, oasar, båttur på Nilen, pyramidar, Tut Ankh-Amon og Sfinxen.

Dei har snorkla, handla, tatt fleire tusen bilde. Og dei har møtt 2-åringar som sel heimelaga smykker. (Foto:Marte)

Ei reise med mange og sterke opplevingar, som eit eventyr, har Marte sagt fleire gongar sidan ho kom heim.

Og dei har køyrd landrover i 130 km/t - utan bilbelte. Godt dei er heime igjen i god behald.

Morgonmusikk

Gitarklimpring er koseleg.

I dag vakna vi til kaffilukt i huset. Simon hadde laga deilig frukost til oss, nyvarma rundtstykker, hardkokte egg og fint dekka bord og tende stearinlys. Kan det bli betre?

Og etter frukosten vart Frode og Simon sitjande å musisere. Litt Coldplay og litt jazz-stemning sette ein ekstra spiss på søndagsmorgonen.

No må berre Sogndal vinne kampen om opprykk!!!

Garasje = hus til bilen

Ein garasje er meint for at bilen skal ha det godt og tørt, og for meg; å sleppe å skrape is to minutt etter at arbeidstida har starta.

I dag fekk vi igjen plass til bilen i garasjen. Godt, etter nesten to veker med minusgrader.

Resultatet er rett og slett at sommarmøblane har kome på rette plass før vinteren, og vi er nøydde ein tur i Hesjedalen før snøen dalar.

Ukjent besøk

I dag kom søskenbarnet til Frode, Svein og kona Inger på besøk.

Eit koseleg treff, sjølv om vi aldri har snakkast tidlegare. Dottera, Tonje går på folkehøgskule i Førde, på andre året. I år er ho stipendiat. I morgon tek vi turen på danseforestilling der ho står i bresjen.

Eit ukjent besøk, gir meir enn det tar. Blodsband betyr nok meir enn vi anar...

Er det kamp så er det kamp

Søndagar er ein litt rolegare dag enn andre dagar i veka, heldigvis.

Men søndag er også fotballtid både på radio, tv og nett. Og i dag starta fotballkampane eit par timar før normalt.

Dermed er det greit å steike kjøttet til middag samstundes som kampen Sogndal-Stavanger vart "streama" på nettet.

Dessverre vart det berre uavgjort for Sogndal i dag.

Slektsgransking

Kven er i slekt med kven? Det skal ikkje vere enkelt å forstå for ein 12-åring.

At Johanne og Ingvild er søsken, er greit. At dei igjen har søskenbarnet Mathilde er også greit. Men korleis kan Mathilde vere tremenning med Olga? Jau, fordi mor Bodil er søskenbarn med mor Olga. OK. Men Bodil er jo mor til Johanne? Ja, mødrene har same namn og er svigerinner fordi dei er gift med kvar sin bror.

Hmm... Men kor kjem Kristina og Hilde og dei inn? Det er på mi mor Eli, di bestemor si side.

Kva med pappa Frode, er han i slekt med oss?

Flotte og flinke jenter

Takk for kjekke ti minuttar!

Fredag kom tre jenter frå musikklinja på Firda vgs på besøk i NRK-lunsjen.

OD-dagen er like rundt hjørnet og med flott sang samla dei tre inn fleire tusen kroner.

Inntektene frå årets OD-aksjon går til utdanning for born med funksjonshemming i Malawi, Uganda, Mosambik og Sør-Afrika.

Lina Rebekka, Anne Marie og Frida brukar talentet sitt rett! Nydelig sang!

http://www.firda.no/nyhende/article4662287.ece

Badstutid

Vi er ikkje ferdig med september og gradestokken kryp nedover mot null. Hausten har liksom ikkje vore her på ordentleg (med sol og fjellturar i skiftande haustfargar). Vinterjakka og hanskane er henta fram. Eg kan like det eller ikkje, men glatte vegar og sludd langt ned i fjellsida, gjer det lettare å slå på badstua. Eg treng varme!

Finveret må kome snart

Ja, det eg høyrer er lyden av dryppande, vått regn. Eg har høyrt det i fleire dagar no. Eg har slutta å sjå på yr.no. Men i dag har Frode stor tru på at yr sler til. Min evige optimist. Frå klokka 15 til 19 skal det bli sol, seier varselet. Vi må uansett kome oss ut, så får vi ta det som ei positiv overrasking om sola skulle vise seg. Om ikkje trur eg vi bestiller oss ein tur utanlands snart...

Irriterande

Det er sjeldan eg blir veldig sint, men i dag kunne eg ikkje anna enn å skrike ut. Mobiltelefonen min kom i retur. Endeleg, burde eg eigentleg seie. Men eg har berre hatt trøbbel med telefonen sidan eg kjøpte den for rundt eitt år sidan. Ein Sony Ericsson, touch, G900 heitar den. Iphone står på ønskjelista frå no av!

Fantastisk bok

Linda Olsson si bok er noko av det finaste eg har lese nokon gong. Det var tittelen "La meg synge deg stille sanger" som fekk meg til å kjøpe den. Her møtest to kvinner, ulik alder, forkjellige historier, rørande og gripande. Eg gler meg til å begynne på neste bok av samme forfattar.

Stolt kar

Det er stor stas å få køyre traktor-slåmaskin hos farfar. Simon og erlend storkosar seg. For simon sin del er det berre tre år og to månader til han kan køyre sin fyrste biltur. Og helst når klokka passerer tolv midnatt 17.november 2012.... Det er i alle fall det han fablar om sjølv, så får vi sjå kva foreldra vil.

Hytte-liv

Fjellet på lemonsjøen gir energi. Trass i litt regn og vind i 1250 meters høgde, gjorde det godt med ein liten fjelltur. Skulle berre hatt med bærplukkar. Fantastiske tytebær. Det må vi gjere noko med i morgon.

Kompromisset

Han er ein klok mann, far Stoltenberg, eller Thorvald om du vil. Eg har sitert han før, men også no tek eg med meg eit viktig vurdering sett frå hans side. Kompromisset. Det er kompromisset som driv samfunnet framover. Internasjonalt er dette eit spørsmål om krig og fred! Eg vil vere med å heve forståinga av ordet. Om vi er usamde innimellom og må seie: -Vi måtte ta eit kompromiss, ja, så er ikkje det noko nederlag!

Stor feiring

Marte-mor er 18 år! Utruleg kor fort tida går! Fredag er den store dag. Marte skal feire med kjempelag. Vi må ta i bruk terassen. Og fordi det er meldt om store nedbørsmengder, har vi gjort klar presennningen. Vi må berre skaffe oss ein ekstra terassevarmar eller to. Anyone?

Sjuklingen

Fire dagar under dyna, vonde musklar, både i rygg, armar og bein. Svine-sjuka, seier legen. Det betyr sju dagar karantene frå jobb. Slik er reglane. Kjedeleg! Denne veka er starten på mykje nytt. Men eg får nøye meg med å høyre radio og oppdatere meg på nettet. Eg misunner ikkje dei med kroniske smerter.

BesteBakken

Ein fantastisk plass! Høgt over Hafslovatnet, ligg BesteBakken. Her er det fint tillaga, og eg overnatta på eit uvanleg romantisk rom (sjå bilde) med boblebad! Eg har vore på leiarsamling og fått nye opplevingar, laga mitt eige kunstverk og fått testa mange nye smakar. Eigaren Lindis Alme har eigen urtehage, bær til ulike syltesortar og ho lagar både råsaft og tomatsylte. Kombinasjonen Brie og rørt solbær var ei stor smaksoppleving. Til og med gamalost til frukost var godt. Sjå: www.bestebakken.no

Mange timars arbeid

-Eg hadde aldri begynt på dette prosjektet om eg visste kor mykje jobb det var. Orda er Frode sine. Han jobba med siste steinlegging til seine fredagskvelden. Heile laurdag gjekk med til fuging. Og søndag morgon måtte han også jobbe nokre timar før fugene var heilt tørka. No er det berre "finishen" som står igjen, altså å få på plass dei tilstøytande steinane og graset inntil skiferplatningen. August er ikkje over enno.

Hausten kom raskt

Du ser det kanskje ikkje på bilde, men det har styrta regn frå nærast open himmel i heile dag. På yr.no klarde ikkje måle-søyla å vise kor mange mm nedbør som ville kome mellom klokka 18 og 19. På vegen nedom oss går ingen på tur til fjells, og frå nabohuset stig det røyk opp av pipa. Likevel held vi stand på terassen, med markise og litt elekstrisk varme. Er ikkje august framleis ein sommarmånad?

Godt sagt

Det er ikkje lenge før vi skal legge stemmene våre i valurna og bestemme kven som skal få plass på Stortinget og styre landet vårt. Med ungdom i huset blir det diskusjonar om kva parti som er lurast å stemme på. -Alle er jo heilt like, i alle fall i skulepolitikken, seier jentene som for tida er mest opptatt av studiar. Høgre, Venstre, Raudgrøn eller sentrum. Les programma og finn deg ei hjertesak. Uansett er det viktig å bruke retten til å påverke. Som statsvitar Aarebrot seier det: Å sitte heime valdagen er å gje ei halv stemme til det partiet du likar minst. Godt sagt!

Ein skikkeleg patriot

Det har sjeldan gått heilt stille for seg her i huset når Frode ser Molde spele ein eller annan fotballkamp. Det er nesten så ein kan bli skremd av mindre når dei skorar mål. Og så har han fått seg suporterdrakt som må på - sjølv om det er kokande varmt i stova... Det gode er at stemninga i heimen blir god når dei vinn, slik som i dag. Og særleg når det er Rosenborg dei valsar over.

Litt sommarvarme igjen

Det regnar ikkje. Og det er varmt nok til å sitje på terassen. Denne helga har gode vener frå Sotra vore på besøk. Gutane ville bade, og då er det lett å gå i kulpen og ta seg ein dukkert. Men mora sjølv må helst ha Hellas-varme for å ville hive seg ut i det våte element.

Meir sylte i frysen

Det kan sjå ut som noko heilt anna, men det er rørt bringebær. Halve fredagskvelden gjekk med til å få 15 kg bær til sylte. Utfordringa var å finne nok beger. Det enda opp med avskorne melkekartongar. Det må vere det som kallast gjenbruk.

Vinteren er berga

Jordbær-sesongen er på hell, men heldigvis fann eg ein gardbrukar frå Breim som var i Førde og selde bær. Litt sukker, jam og nokre kilo bær, så var jordbæra blitt til sylte. Kjekt å ta opp frå frysaren seinare i vinter.

Trimsesongen igang

Ja, då er eg igang igjen med trening av kroppen. Etter fire-fem veker i kvilemodus, er det godt å kjenne at musklane ikkje har svikta heilt. I kveld syskla eg inst inn i Angedalen, rundt 15 kilometer ein veg, seiest det. Flott tur med Linda og Einar. I går gjekk turen til Storehesten, nær 1209 moh, saman med våre gode vener Torunn og Øyvind m/fam. Tåka låg snurra rundt "hesten", men då vi kom til topps letta det så vi fekk sett ned til Bygstad. Fabelaktig!

Bærplukkaren

I dag har Simon vore ute og plukka blåbær, rips og tidlegare i veka plukka han også solbær frå hagen. Solbæra var litt grøne, så vi let dei ligge å modne litt. Problemet var berre at vi la dei på vaskerommet, rett ved tørketrommelen. Så bæra fekk ein litt for brå, og varm modningsprosess og mygla, Heldigvis er det mange bær igjen på trea enno, så det blir litt solbærsylte i frysen også til vinteren.

Alle dørene kvite

Endeleg, no er alle dørene i huset kvite. Regnveret har gitt meg arbeidsro i gangen heime. Utgangspunktet var å male dei to trekvite dørene, men med godt arbeidslys måtte veggane også få seg ein omgang. Og jammen fekk ikkje det lutmalte skapet også nokre strøk. No manglar berre beslaga...

Heim til sipever

Frå over 30 grader og deilig sommar i Hellas, er vi tilbake i Norge. Vi har hatt gode dagar, med bading, soling, sjøliv, 25-års bryllaupsfeiring og møte med gode vener. Alt har stort sett gått smertefritt, sett vekk i frå eit tapt masterkort og to par forsvunne solbriller. Litt svinn må vi rekne med... Men å kome heim til 14 grader og regn, likar eg dårleg. Så her er det berre å finne fram arbeidslysta å gjere eitkvart innomhus.

Demokrati

Grusomme scener, vald og undertrykking. Ein tv-reportasje frå Iran i går gjorde sterkt inntrykk på meg.

Etter å ha lese boka "Huset ved moskeen" av Kader Abdolah, innser eg at vi er priviligerte som lever i eit fritt og godt land.

Som ein ven sa; over 100 prosent valdeltaking i Iran må vera verdsrekord i demokrati!

Blomster = godt humør

Irisen og Pionen blomstrar for fullt i hagen (og inne i vase) om dagen.

I dag skal eg likevel ut og kjøpe roser. Frode og eg har vore gift i 22 år. (Nesten ei bragd i dagens samfunnn)

Frode er bortreist på dagen, men ein blomsterkvast på bordet når han kjem heim, gleder i alle fall mitt hjerte.

Agent 007

Vi merkar oss at Mats og Simon nærmar seg tenåra. Når dei to er i lag blir det alltid liv og røre. Dei kommuniserer, ler og er kreative og finn på morsomme ting saman. Etter ei god stund på badet her om dagen, kom dei ut med glatt sleik, svarte solbriller og identifisere seg med udødelege agent 007. Halve hårvoks-boksen forsvann, men pytt-pytt.

Toppkarakter

Karina er ferdig med fyrste året med fysioterapi på Høgskulen i Bergen. Det har vore mykje jobbing, lesing, pugging og øving. Men lange dagar har gitt resultat. Siste dag med praktisk eksamen enda på A. Gratulerer! No gler vi oss til ho kjem heim og prøver ut metodane i praksis, på oss. (På bilde: oldemor Jenny(102)saman med Karina)

Nærbutikken finst, enno

Thor Bakkens etterfølger ligg inst i Jostedalen i Luster. Ein koseleg liten nærbutikk, med ei svært hyggeleg dame i kassa. Vi (tv-teamet) vart svoltne etterkvart og fekk oss ein matbit medan vi venta. Nye, tøffe solbriller til bilturen heimatt vart kjøpt, men eple hadde dei ikkje...

Kreativ fotograf

Sist veke vart fotograf Heidi og eg sendt tidleg til Luster for å lage tv på leiteaksjonen etter to sakna menn på Jostedalsbreen. 2,5 timar køyring fram og tilbake + tre timar venting på dei to som vart funne i god behald, skapte hovudbry. Men ein kreativ fotograf kan meir enn å ta bilde. Ho bad meg køyre bilen til Førde og haika like godt med Airlift-helikopteret heimatt. Det berga dagen min.