Tilbake i byn

Karina er ferdig i praksis. No er ho tilbake i byn. For min del synst eg det er veldig kjekt.

I kveld har Susanne vore på besøk. Medan eg laga middag (heimelaga kjøtkake) støvsugde ho og ordna etter utpakkinga.

Velkommen "heim"!

Våren i anmarsj

Klar, ferdig, vår! Det var deilig å gå frå jobb i dag. Sola skein og folk poppa opp i småsko og tynnare jakker. Dei stoppa opp og prata, helste på forbipasserande og såg rett og slett litt gladare ut.

Ja, det er vår! I morgon byttar eg ut dunjakka med skinn.

På takterassen var det faktisk litt varmt i solveggen.

Velkommen heim

Eg har fått besøk i heimen.

Nei, ikkje besøk. Karina er komen tilbake frå praksis. I morgon er det skule igjen etter 10 veker i Kristiansand. Så ventar oppgåveskriving før turnusåret set inn.

Det er godt å kjenne at dei eg er glad i set pris på å kome heim.

Marte ringde frå ferja mellom Stavanger og Haugesund og jubla over å vere heime. Ho gleda seg saman med dei andre over å ha det så godt, og få sove i eiga seng.

Det har nok vore sterke inntrykk i Sør-Amerika for folkehøgskulegjengen, også i år.

Flott ungdom

Deciding har vore på nattcup i Sogndal.

Dei er miljøskaparar og held konsert for rundt 250 konfirmantar ei natt i året (+ ei natt i Førde).

Ungdomane er fantastiske! Dei er positive, inkluderande, glade, hjelpsame, skaper entusiasme og så er dei sjølvsagt litt trøtte når klokka er halv fem om morgonen.

Med nesten 20 stk på nattbussen skulle nokon tru at det vart mykje støy og dei sovande frå Oslo vart forstyrra, men nei. Her var ikkje ein knyst frå nokon.

Då er det ikkje så vanskeleg å vere leiar. (Men godt å kome heim i si eiga seng og få sove)

Jordas undergang

Det kan høyrest ut som vi held på å gå under av mykje snø.

Ja, og i natt kom det enno meir snø. (Måtte måke for å få bilen inn i garasjen)
Men vi syt og klagar over takras og forferdelege vertilhøve. Glatte vegar og dårleg brøyting.

Sjå til Japan akkurat no. Jordskjelv, tsunami, eksplosjon i atomreaktor. Fleire tusen sakna og mange fryktar for stråling. Kva klagar vi etter?

Sjå livet og verden i perspektiv! Vi dør ikkje av litt snø.

SLUTT Å SNØ

Eg vil ikkje ha meir snø no!

Ja, slik ser det faktisk ut utanfor kjøkkenglaset i dag.

Eg har fått nok vinter! Snø og attar snø! Utanfor glaset ligg ein meter med snø på flate marka og vi skriv 11.mars i dag.

Eg vil ha vår! Eg vil gå i småsko! Eg vil ha sol og litt varme for sjela! Sola er komen godt over fjellet, men ho er jo ikkje her likevel! Det er berre snø, snø, snø så langt auget rekk.

Det er ikkje så gale i Bergen, heldigvis. Der kan eg sykle til jobb, sjølv om det er litt snøslaps innimellom der også.

Det einaste fornuftige å gjere, er å knyte på seg skiskoa og komme seg på ski. God helg!

Sweet chilli-coffee

Her om dagen vart eg invitert på kino med Helga (bilde).

Vi såg filmen "Black swan", absolutt verdt å sjå!
Men saken er den at då fekk eg noko eg aldri har smakt før. Nemlig sweet chilli coffee. Supergodt!
Eg grein på nasa då helga spurte meg, men du så godt! Eg trur eg må ta meg fleire turar på kino.

TV-debut

For fyrste gong i historia har eg vore programleiar på TV.

Og det gjekk bra! (Eg har ikkje sett det sjølv)

NMF Sende 13 timar direkte nett-tv frå NM brass i Grieghallen. Det var kjekt, spennande og utfordrande - særleg for meg som ikkje har likt å sjå rett i ei kamera-linse nokon gong.

Stig Ryland var den andre programleiaren.

Sjå artikkelen her: http://www.spilleglede.no/13+timer+direkte-tv+fra+NM.b7C_wBfWXl.ips

På nettsidene til NMF kan du følgje med på kva eg skriv. www.musikkorps.no

Fastelavenssøndag

I dag har eg baka bollar til kaffi. Det er Fastelavenssøndag.

Frode og Simon er på topptur på ski saman med Are og Armando. Temperaturen er godt over null, og eg håpar dei held seg unna altfor bratte heng...

Simon har endeleg fått julepresangen i hus (nye telemarkski) Og i dag er han ute på fyrste prøvetur.

Fastelavn kjem av det middelnedertyske ordet vastel-avent, og vart tidlegare brukt om kvelden før fasten. (som er onsdag 6,5 veker før påske)

Marte i Sør-Amerika

I fire veker er Marte og BRO-klassa på Karmøy folkehøgskule på reise til Sør-Amerika.

Turen starta for tre veker sidan, og ei gjenstår.

Eg trur dei har sterke og gode opplevingar, sjølv om det er regntid og mykje nedbør, meir enn dei håpa. Besøk på barneheimar med born som knapt veit kva kjærleik er, vil eg tru påverkar dei unge.

Om du ser på ferja på bilde, kan einkvar bli lettare nervøs for kva dei utset seg for. Men tryggleiken er sett i høgsete.

Bilda er henta frå bloggen. Eg trur det er Marte lengst til venstre på bildet under. Kan det vere dei er på sivøyene på Titicacasjøen??

Her er adressa til lærar Geir sin blogg om nokon vil lese og følgje med dei på turen;

http://18504.vgb.no/2011/01/30/bro-i-s%C3%B8r-amerika-2011/

Stooor oppleving

Her skulle vi absolutt ha vore!!!

Det er sjeldan steming i Holmenkollen om dagen. Sist var i 1982, då Oddvar Brå brakk staven...

I dag er det langt over 100.000 menneske som heiar fram dei norske medaljehåpa. Og Karina er ei av dei.

Ho og ein gjeng frå Kristiansand (der ho er i praksis) reiste til Oslo og Kollen fredag for å oppleve steminga.

Dei har sove i lavo ute i stkogen, og eg tippar dei har hatt det supert. (Eg har i alle fall ikkje høyrt ein pip, og då reknar eg med alt står bra til.)

GRATULERER

Nok eit gull til Norge igjen - gratulerer alle.

- Det er kraft, det er eleganse, vi får gull, seier kommentatorane i det vi vinn på 5-mila i Kollen. Det er Northug sin dag og Norge sin dag, og Norge sitt VM, både for damene, herrane og landet! Tord Asle Gjerdalen vart nr.3, Sjur Røthe nr. 4 - veldig solid!!! (ein russar på 2.plass) Utruleg laginnsats! Slik skal det gjerast!

Totalt åtte gull gjer Norge til beste langrennsnasjon! Eg tar av meg hatten for Marit, Threse, Vibeke, Kristin, Tord Asle, Petter, Martin, Sjur Røthe - og for ikkje å snakke om trenaren - Morten Aa Djupvik. Ein rotekte nordfjording! Eg er stolt!

Det fungerte igjen

Jippi, eg hugsa kva eg skulle gjere for å få sølvet kvitt igjen.

Aluminiumsfolie, litt salt (tok kanskje litt mykje denne gongen...) og lunka vatn. La det ligge i nokre minutt (låg kanskje litt lenge denne gongen...)

Men no er det fint og reint og så håpar eg berre det held seg fint til mai, og konfirmasjonen.

Om ikkje, er det berre å ta ibruk den enkel tenknikken igjen.